Президент Садыр Жапаров Академиянын модернизация пландары менен таанышып, мамлекеттик жана муниципалдык кызматкерлерди окутуу программалары, санариптештирүү жана эл аралык кызматташтыкты өнүктүрүү боюнча маалымат алды.
🇰🇬 Президент Садыр Жапаров бүгүн, 14-июлда, Кыргыз Республикасынын президентинин алдындагы Жусуп Абдрахманов атындагы Мамлекеттик башкаруу академиясын модернизациялоо пландары менен таанышып чыкты.
📚 Академиянын ректору Айгүл Калчакеева учурдагы ишмердүүлүк, жетишилген натыйжалар жана өнүгүүнүн негизги багыттары тууралуу маалымат берди.
🎓 Мамлекеттик жана муниципалдык кызматкерлердин квалификациясын жогорулатууга багытталган билим берүү программалары, заманбап окутуу ыкмалары жана окуу процессин санариптештирүү тууралуу маалымат берилди.
🌐 Академиянын академиялык базасын чыңдоо, эл аралык кызматташууну өнүктүрүү жана окуу процессине эксперттерди тартуу боюнча иштер жүргүзүлүп жатканы айтылды.
🛠️ Мамлекеттик жана муниципалдык кызматтар үчүн адистерди даярдоо боюнча комплекстүү системаны иштеп чыгуу жана кадрлар резервин түзүү боюнча туруктуу механизмдерди түзүү пландары талкууланды.
💼 Президент Садыр Жапаров академиянын карамагындагы пансионаттын инфраструктурасын жана шарттарын жакшыртууга мамлекеттик каржылык колдоо көрсөтүүгө даяр экенин билдирди.