Бөгөн Бөрө ҡалаһындағы Октябрь майҙанында Ғаилә, мөхәббәт һәм тоғролоҡ көнөнә арналған республика фестивале үтә. Көндөҙгө 12-нән башлап бында йәрминкә, интерактив майҙансыҡтар, оҫталыҡ дәрестәре, ғөмүмән, тотош ғаилә менән ял итерлек урындар эшлай. Программа бик бай эстәлекле булмаҡсы. Мәҫәлән, иң яҡшы ғаиләләргә наградалар тапшырыла, йәш парҙарҙың никахын теркәү тантанаһы ойошторола, милли мәҙәниәттәрҙе күрһәткән майҙансыҡтар эшләй. Төп сәхнәлә Бөрө районы таланттары ҙур концерт ҡуя. Ә кискә табан бында бик үҙенсәлекле тамаша көтөлә: күмәк парҙар иң ҙур ғаилә вальсында өйөрөләсәк! Александр Данилов һәм автор фотолары.