Республикала территориаль һайлау комиссиялары алдағы һайлауҙарға депутатлыҡҡа кандидаттарҙан документтар ҡабул итеүҙе тамамланы. Быйыл Башҡортостанда 151 һайлау кампанияһы үтәсәк. Берҙәм һайлау көнө йәкшәмбелә, 14 сентябрҙә, була. Халыҡҡа ҡала округтары, муниципаль райондар, ҡала һәм ауыл биләмәләре советтарына төп һәм өҫтәмә һайлауҙар буйынса 240 депутат һайларға тура киләсәк. Төп һайлауҙар Бөрө һәм Белорет ҡала биләмәләре Советтарына, Өфө районының Йоматау ауыл биләмәһе Советына үтәсәк. “Берҙәм Рәсәй” партияһының төбәк башҡарма комитеты етәксеһе Руслан Насретдинов кандидаттарҙы тәҡдим итеү буйынса урындағы сәйәси советтар ултырыштары йомғаҡтарына аңлатма бирҙе. “Сентябрҙә 48 муниципалитетта урындағы үҙидара вәкәләтле органдары депутаттарын төп һәм өҫтәмә һайлауҙар көтә. “Берҙәм Рәсәй” партияһы алдан тауыш биреү процедураһы йомғаҡтары буйынса, ғәҙәттәгесә, бөтә вакантлы мандаттарға күпселек халыҡтың яҡлауын тапҡан кандидаттарҙы тәҡдим итте. Бөтәһе 240 кандидат тәҡдим ителгән. Шуның ө