Иртәгә, 23 июлдә, киске сәғәт 7-лә Заһир Исмәғилев исемендәге Өфө дәүләт сәнғәт институтында (Өфө, Цюрупа урамы, 9) Эрик-Эмманюэль Шмитт романы буйынса ҡуйылған “Оскар и Розовая дама” спектаклен ҡарараға мөмкин. Студияла шөғөлләнеүселәр дуҫлыҡ, иман көсө, һәр көндөң ҡәҙерле булыуы, ҡыҫҡа ғына ғүмергә лә күпме мөхәббәт һәм изгелек һыя алыуы тураһындағы социаль драма тәҡдим итә. Тәү ҡарашҡа был – лейкемия менән ауырыған малай тураһында бик ҡыҙғаныс тарих. Ысынында иһә ул яҡты, юмор аша бәйән ителә. Оскар исемле малайҙың тормош юлында бер ханым осрай һәм улар уйын башлай – Аллаһҡа хаттар яҙа. Оскар уларҙа үҙенең һәр көнөн, мажараларын, мөхәббәтен, күңелен ҡырған хәлдәр тураһында һөйләй. Ошо ваҡыт эсендә ул ғашиҡ була, хаталар яһай, күңел төшөнкөлөгөнә бирелә, яҡындарының мөхәббәтен аңлай, ҡартайып өлгөрә. Тормош ауырлыҡтарын юмор аша ҡабул итә. Спектаклдә көлөү һәм күҙ йәштәре йәнәш бара. Бында һәүәҫкәр актерҙар уйнай, сәхнәнән ситтә улар – психолог, йырсы, эшҡыуар, модель һәм башҡалар. К