Кыргызстанда Уурусая аймагында табылган динозавр-тероподдун калдыктары борбордук Азиядагы эң маанилүү табылгалардын бири болуп эсептелет. Жаңы динозавр Alpkarakush kyrgyzicus деп аталып, анын аты кыргыз эпосу «Манастагы» мифтик Алпкаракуш кушуна тиешелүү.
🦖 Кыргызстанда жаңы динозавр табылды — Alpkarakush kyrgyzicus.
🦴 Бул табылга Джалал-Абад облусундагы Таш-Кумыр шаарына жакын Уурусай аймагында 2006-жылы табылып, азыркы учурда илимий изилдөөлөрдүн натыйжалары жарыяланды.
🦕 Alpkarakush kyrgyzicus тероподдордун метриакантозавриддер тобуна кирет, бул анын чоң өлчөмдөгү жырткыч болгонун билдирет.
🔍 Изилдөөлөр бул ачылыштын юра мезгилиндеги тероподдордун эволюциясы жана биогеографиясы боюнча жаңы маалыматтарды бергенин көрсөттү.
👨🔬 Изилдөө Кыргызстандын Улуттук илимдер академиясынын Геология институту, Германиянын Мюнхендеги Бавария табигый тарых коллекциялары жана Бамбергдеги Табигый тарых музейи менен кызматташуу аркылуу жүргүзүлдү.
🏛️ Учурда бул табылганын сөөктөрү Улуттук илимдер академиясынын палеонтологиялык коллекциясында сакталууда жана аны Бишкектеги Улуттук тарых музейине коюу сунушу бар. Бул үчүн тиешелүү министрликтер, эл аралык уюмдар жана бизнес коомчулугунун колдоосу жана каржылоосу талап кылынат.