Кытайда дүйнөдөгү эң ири ГЭС курулуп жатат, анын жылдык кубаттуулугу 300 миллиард киловатт-саатка жетет. Бул долбоор Индия жана Бангладештин экологиялык тынчсыздануусун жараткан, бирок Кытай терс таасир болбойт деп ишендирет.
🌊 Кытайда дүйнөдөгү эң чоң ГЭС курулушу башталды. Бул жаңы ГЭС “Үч капчыгай” ГЭСинен үч эсе көп электр энергиясын өндүрөт. Жылдык кубаттуулугу 300 миллиард киловатт-саатты түзөт.
💰 Жалпы инвестиция 1,2 трлн юань же 167,2 млрд долларды түзөт. Бул долбоор Пекиндин беш жылдык планына кирет жана Ярлунг Цангпо дарыясынын төмөн агымында ишке ашырылат.
🌍 Индия жана Бангладеш долбоордун суу менен камсыздоо жана экологияга тийгизген таасирине байланыштуу тынчсыздануусун билдиришти. Бирок, Кытай долбоордун экологиялык чөйрөгө, геологиялык туруктуулукка жана суу ресурстарына терс таасири жок деп ишендирүүдө.
🔬 Кытайдын Тышкы иштер министрлиги курулуш табигый кырсыктар менен күрөшүүгө жана климаттын өзгөрүшүнө ыңгайлашууга жардам берет деп белгилейт.