Кыргызстандын президенти Садыр Жапаров Тажикстанга мамлекеттик сапар менен келип, президент Эмомали Рахмон менен жолугушту. Сапар алкагында эки тараптуу сүйлөшүүлөр, экономикалык форум жана маданий иш-чаралар өтөт.
🇰🇬 Президент Садыр Жапаров Тажикстанга мамлекеттик сапары менен барды.
✈️ Жапаровдун учагы Душанбе эл аралык аэропортуна конду, ал жерде аны Тажикстандын президенти Эмомали Рахмон тосуп алды.
🎉 Аэропортто эки өлкөнүн мамлекеттик желектери илинип, кызыл килем төшөлүп, ардактуу кароол тизилди. Президенттерди улуттук кийим кийген жаштар тосуп алышты.
🎶 Мамлекет башчылары үчүн 500дөн ашуун артисттер катышкан кыска концерттик программа көрсөтүлдү.
🤝 Сапардын алкагында Эмомали Рахмон менен эки тараптуу сүйлөшүүлөр, парламенттин эки палатасынын спикерлери жана өлкөнүн премьер-министри менен жолугушуулар пландалууда.
📝 Кыргызстан менен Тажикстандын президенттеринин биргелешкен билдирүүсүн кабыл алуу жана бир катар эки тараптуу документтерге кол коюу күтүлүүдө.
💼 Сапардын жүрүшүндө кыргыз-тажик экономикалык жана инвестициялык форуму, ошондой эле эки өлкөнүн искусство ишмерлеринин катышуусунда “Түбөлүк достук” концерти өтөт.