Душанбедеги "Улуттар сарайынын" аянтында Кыргызстандын президенти Садыр Жапаровду Тажикстандын президенти Эмомали Рахмон расмий тосуп алды. Салтанаттуу иш-чарада мамлекеттик гимндер ойнолуп, 21 артиллериялык залп атылды.
🇰🇬 Душанбе шаарында Кыргызстандын президенти Садыр Жапаров менен Тажикстандын президенти Эмомали Рахмондун расмий жолугушуусу өттү.
🎖️ Иш-чара “Улуттар сарайынын” аянтында өтүп, эки өлкөнүн мамлекеттик желектери илинип, Ардактуу кароол тизилип, кызыл килем төшөлгөн.
🎺 Президенттер Ардактуу кароолдун командиринин рапортун кабыл алышты, андан соң аскердик оркестр эки өлкөнүн мамлекеттик гимндерин аткарды.
💥 Садыр Жапаровдун мамлекеттик сапарынын урматына 21 артиллериялык залп атылды, бул өзгөчө салтанаттуу тосуп алуу жана урмат көрсөтүүнүн белгиси болду.
🤝 Официалдуу иш-чарадан кийин президенттер делегацияларды тааныштырып, “Улуттар сарайынын” фойесинде сүрөткө түшүү аземине өтүштү, андан соң тар чөйрөдөгү сүйлөшүүлөр үчүн залга киришти.