Бишкек, 04.07.25. /Кабар/. Корумду - Балбай-Баатыр участогундагы жол курулуш иштери кызуу жүрүп жатат. Жолдун негизин даярдоо, асфальт төшөө, суу түтүктөрүн орнотуу жана көпүрөлөрдү куруу иштери аткарылууда. 50 км асфальт төшөлдү. 17 айылдан өткөн жолдо коопсуздук чаралары көрүлүп, жол белгилери орнотулган. Жолду кеңейтүү, тротуарлар, көпүрөлөрдү куруу жана велосипед жолдорун камтыган долбоор 2024-жылдын 1-апрелинде башталган.
🚧 Иссык-Көл облусундагы Корумду – Балбай-Баатыр жолунда курулуш иштери кызуу жүрүп жатат.
🛣️ Учурда жолдун негизин даярдоо, асфальт төшөө, суу түтүктөрүн орнотуу жана көпүрөлөрдү куруу иштери жүргүзүлүүдө. Бир тарапта 50 км асфальт төшөлгөн.
🏘️ Корумду – Балбай-Баатыр участогу 17 айыл аркылуу өтөт жана жол коопсуздугун камсыздоо үчүн бардык талаптар аткарылган.
🚦 Жолдун сапатын жакшыртуу үчүн багыттоочу элементтер жана жол белгилери орнотулуп, жүргүнчүлөр үчүн ыңгайлуу шарттарды түзүү максатында жол тилкеси туруктуу түрдө тегизделүүдө.
📊 Курулуш иштери бардык стандарттарга жана нормаларга ылайык жүргүзүлүп жатат. Жол куруу көп этаптуу процесс болуп саналат жана убактылуу ыңгайсыздыктарды туура түшүнүү зарыл.
🌉 2024-жылдын 1-апрелинде башталган долбоор жолду төрт тилкеге чейин кеңейтүүнү, тротуарларды, 14 көпүрөнү жана 877 суу түтүктөрүн курууну камтыйт.
🌿 Ошондой эле жарыктандыруу, жашылдандыруу, автобус токтотмолору, темир-бетон парапеттер, тосмолор жана эс алуу зоналары бар унаа токтотуучу жайлар каралган.