2026 йылда Башҡортостанда 144 йәмәғәт биләмәһе яңыртыла

Башҡортостан Республикаһында 144 йәмәғәт майҙанын төҙөкләндереү 2026 йылда “Тормош өсөн инфраструктура” милли проекты буйынса үткәрелә, тип хәбәр иттеләр төбәктең торлаҡ-коммуналь хужалыҡ министрлығынан. Билдәләнеүенсә, был биләмәләр 21 апрелдән 12 июнгә тиклем барған төҙөкләндереү объекттары өсөн Бөтә Рәсәй онлайн-тауыш биреүендә еңде. Унда республиканың 770 мең кешеһе ҡатнашты. Иң күп тауыш СССР-ҙың 50 йыллығы урамындағы скверға һәм Өфөләге Хәтер скверына, Стәрлетамаҡтағы Рус драма театрынан алып “Салауат” кинокомплексына тиклемге биләмәгә, Салауатта Космонавтар бульварындағы скейт-майҙансыҡҡа, Михайловка ауылында Ленин урамындағы скверға һәм Мәләүездә Ленин урамындағы йәйәүлеләр зонаһына бирелде. – Төбәк халҡы төҙөкләндереү мәсьәләләренә бик ныҡ йәлеп ителгән. Был эш барышын контролдә тотоуҙа ла сағыла. “Уңайлы ҡала мөхитен булдырыу” программаһы ярҙамында беҙ тораҡ пункттарыбыҙҙың күп һанлы етешһеҙлектәрен хәл итәбеҙ. Был эш менән әүҙем шөғөлләнеүебеҙҙе дауам итербеҙ, – тип билдәләне Башҡортостан Башлығы Радий Хәбиров. “Тормош өсөн инфраструктура” милли проектының (национальный проект “Инфраструктура для жизни”) маҡсаты — тораҡ пункттарҙы комплекслы үҫтереү. Был торлаҡ һәм юлдар төҙөү һәм ремонтлау, йәмәғәт һәм ихата киңлектәрен төҙөкләндереү, бөтә социаль һәм коммуналь инфраструктураны булдырыу һәм яңыртыу, хәрәкәт итеүсе составты яңыртыу иҫәбенә йәмәғәт транспортының уңайлы маршруттары һанының артыуы. Яңыртылған милли проекттар РФ Президенты Владимир Путин ҡарары буйынса 2025 йылдан тормошҡа ашырыла. Рәмилә МУСИНА фотоһы.