"Нәүрүз» Халыкара театр фестивале — ел саен төрле илләрдән театр коллективларын җыя торган әһәмиятле мәдәни вакыйга. Фестиваль Татарстанның мәдәни башкаласы Казанда үткәрелә.
Унҗиденче «Нәүрүз " Халыкара театр фестивале Татарстан, 1 урамында урнашкан Камал театрының иске бинасыннан алып Һади Такташ, 74 адресы буенча урнашкан яңа бинага таба оештырылган тантаналы йөрештән башланып китте.
Көн ахырында Галиәсгар Камал театрының баш режиссеры һәм «Нәүрүз» фестиваленең сәнгать җитәкчесе Фәрит Бикчәнтәевның иң яңа куелышы - "Башмагым"(16+) спектакле уйналды. Шулай ук, фестиваль кысаларында "Иң яхшы зур формалы спектакль" номинациясендә Россиянең "Алтын битлек"төп театр премиясе җиңүчесе - "Болганчык еллар. Мөһаҗирләр"(16+) спектакле дә күрсәтелде.
Программаны Кейптауннан Janni Younge Productions курчак театры ачып җибәрде, ул Казанга «Гамлет» (16+) спектаклен алып килде. Аны ике тапкыр күрсәттеләр.
Шәхсән Мин курчак театры өчен барлык мөмкинлекләр дә ачык дип саныйм. Яңа мәгънәләр, гадәти булмаган юллар... Курчак театры-яңа биеклекләргә ирешүнең гадәттән тыш ысулы, - диде компаниягә нигез салучы Джонни Янг.
Олимпиада кысаларында Мәҗит Гафури исемендәге Башкорт театры һәм Шкетан исемендәге Мари театрының уртак проекты - «Ваня агай» (16+) спектакле күрсәтелде. Спектакльне башкорт, мари телләрендә куелган, ә хәзер ике республикадан 16 актер катнашында милләтара версиядә күрсәттеләр.
Антон Павлович традицияләрен Төркиянең дәүләт театры да дәвам итте. Алар Матей Вишнекның «Чехов машинасы» (16+) спектаклен күрсәттеләр. Бу спектакльдә туберкулездан үлеп баручы драматургка аның әсәрләрендәге персонажлар киләләр.
Программаның Россия кунагы - Александринка театры. Ул Достоевскийның «Игрок» әсәрен «Zero Литургиясы» (16+) исеме астында күрсәтте. Сүз уңаеннан, фестивальдән соң, гастрольләр кысаларында Петербург императрица һәм язучының хатларынна нигезләнгән «Екатерина һәм Вольтер» (16+) спектаклен тәкъдим итте.
Олимпиаданың аерым кунагы - "АТТИС" грек театры. Ул Көнчыгыш залында ике тапкыр Этель Эднан пьесасы буенча «ИО» (16+) спектаклен күрсәтте. Автор әсәрне Халыкара театр олимпиадасы комитеты президенты Теодорос Терзопулос өчен махсус язган. Сүз уңаеннан, Терзопулос «Дионисны кайтару» дип аталган мастер-классын да тәкъдим итте.
Казанга янә Фәрит Бикчәнтәевның курсташы Алехандро Гонсалес Пуче Бразилиядән башкару сәнгате үзәгеннән һәм Колумбия университетының Валье сәхнә сәнгате лабораториясеннән «Кроткая» (16+) спектакле белән килде.
Милли театрлар ниләр тәкъдим итте?
Башкорт Нур театры беренче татар актрисасы Сәхибҗамал Гыйззәтуллина-Волжскаяның соңгы елларына багышланган «Туташ» (12+) спектаклен тәкъдим итте.
Саха Республикасың курчак театры «Олонхо уены» (6+) спектаклен кәрсәтте. Аның төп геройлары-Баһадир курчак һәм тугры эт Догор булдылар. Адыгея Республикасы театры «Эдип патша»(12+) спектаклен алып килде. Ә Сырдарья театры «Алпамыш» (12+) ны күрсәтте. Гәнҗә драма театры абсурд классикасын алып килгән — «Король үлә», Ионеско (12+).
Шулай ук, "Нәүрүз" фестивале кысаларында Аяз Гыйләҗев исемендәге Чаллы Татар дәүләт театры Казанда "Без - 41 нче ел балалары» (12+) спектаклен күрсәтте.
Ниһаять, иске бинаның зур сәхнәсендә Роза Мөхетдинова һәм Җәүдәт Сөләймановның «Тамырлар» дип исемләнгән кантатасын оркестр, хор һәм танылган татар укучылары катнашында икенче тапкыр күрсәттеләр.