29 июндә Балтас районында Борай – Иҫке Балтас – Көйәҙе юлының 57-се километрында булған ҡурҡыныс авария тураһында хәбәр иткәйнек инде. Юл-транспорт ваҡиғаһында 38 йәшлек күп балалы әсәнең ғүмере өҙөлдө. Янында ултырған дүрт бала төрлө йәрәхәттәр алды һәм әлеге ваҡытта дауаханала. Ҡатын ул көндө “Лада Гранта” машинаһына идара итә. Ҡайһылыр мәлдә ул транспортҡа идараны юғалта һәм ошо сәбәпле юлдан осоп түңкәрелә. Ҡатын табиптар килеп еткәнсе урында һәләк була. Әлеге ваҡытта аварияның ни сәбәпле килеп сыҡҡаны аныҡ ҡына билдәле түгел. Тикшереү алып барыла, экспертизалар билдәләнгән. “КП-Өфө” баҫмаһы асыҡланыуынса, рулдә 38 йәшлек Марина һәм уның 11, дүрт һәм йәш ярымлыҡ ҡыҙы һәм 11 йәшлек һеңлеһе ултырған. Балаларҙы Балтас район дауаханаһына алып китәләр. Өсәүһе ошонда дауаланасаҡ, берәүһенең хәле ауыр, уны Өфөгә оҙаталар. Был көндө Марина үҙе йәшәгән Тәтешле районының Сәүкияҙ ауылына ҡайтып барған. Унда ул балалары һәм өләсәһе менән йәшәгән. Яҡындары әйтеүенсә, Марина көслө холоҡло кеше б