Йәрмәкәй районынан “Лев“ позывнойлы яугир йәнтөйәгенең дә, иленең дә терәге булған ысын ир-егет. Ул “Башҡортостан геройҙары” программаһында ҡатнашып, илдең мәнфәғәтен яҡлай. “Лев” тәүҙә Йәрмәкәй урта мәктәбен тамамлай, һуңынан Башҡортостан дәүләт аграр университетында инженер-механик һөнәре буйынса белем ала. Һалдат бурысын стратегия тәғәйенләнешендәге ракета ғәскәрҙәрендә үтәй. Армиянан һуң Себерҙә эшләй. 2022 йылдың сентябрендә өлөшләтә мобилизация ваҡытында махсус хәрби операцияға саҡырыла. - Ваҡыт беҙҙе һайланы. Шуға ла беҙ махсус хәрби операцияға юлландыҡ, – ти яугир. Үҙенең хәрби бурысын намыҫ менән үтәй. Күкрәген биҙәгән наградалары ла уның батырлығы тураһында һөйләй. “Икенсе дәрәжә Хәрби ҡаһарманлығы өсөн” миҙалын былтыр август айында алған. Тыуған яғына ялға ҡайтҡан мәлендә Йәрмәкәй районы хакимиәте башлығы Рөстәм Әлимғафаров менән осрашыу мәлендә “Лев” үҙенең яуҙаштарының үтенестәрен дә еткерҙе. Яугиргә яҡташтары менән район һабантуйын да күреү форсаты тейҙе. Райондаштар