Бөгөн, 1 июлдә, Өфөлә Башҡортостан Башлығы Радий Хәбиров Урта һөнәри белем биреү буйынса республика советының сираттағы ултырышын үткәрҙе. Ул Евразия фәнни-белем биреү үҙәгенең вуз-ара студенттар кампусының Геном үҙәге майҙансығында үтте. Сарала төбәк министрлыҡтары һәм ведомстволары, шулай уҡ Башҡортостандың юғары һәм урта һөнәри уҡыу йорттары етәкселәре ҡатнашты. Улар республика колледждарында тәрбиә эшен ойоштороу мәсьәләләрен тикшерҙе. Радий Хәбиров үҙенең сығышында студенттар коллективтарының әхлаҡи мөхитенә Һәм йәштәрҙең әхлаҡи ҡараштарына Башҡортостандың һәм бөтә илдең киләсәге бәйле булыуын һыҙыҡ өҫтөнә алды. – Республикабыҙ өсөн һөнәри белем биреү системаһының ҙур әһәмиәтен аңлайбыҙ. Шуға күрә, ҡатмарлыҡтарға ҡарамаҫтан, тәү сиратта уҡыу йорттарының матди-техник базаһын нығытыуға ҙур иғтибар бүләбеҙ. Былтыр төбәк бюджеты иҫәбенә 15 колледжды тәртипкә килтерҙек. Йыл һайын дөйөм ятаҡтарҙы ремонтлауға ла 500-әр миллион һум бүләбеҙ. Шуныһы мөһим: быйылдан колледждарҙы капиталь рем