Turkiyada payg‘ambarlarni karikatura qilganlar hibsga olindi
“Leman” satirik jurnalining ikki karikaturachisi va bosh muharriri hibsga olindi. Bunga Muso va Muhammad alayhissalomlarning osmonda qo‘l siqib turgani tasvirlangan karikatura sabab bo‘ldi. Surat fonida urush va raketalar aks etgani dindor insonlarni yanada g‘azablantirdi.
Karikaturaga Turkiya Ichki ishlar vaziri Ali Yerlikaya ham munosabat bildirdi. U o‘zining X tarmog‘ida tahririyat xodimlarining hibsga olinishi aks etgan videoni e’lon qildi.
"Suyukli Payg‘ambarimiz (s.a.v.)ga qaratilgan bu pastkashlik qonun oldida munosib jazolanadi", deb yozgan u.