Кыргызстандык окуучулар Струга шаарында өткөн 29-Балкандык математикалык олимпиадада ийгиликтерге жетишти. Ариет Акимов алтын медалды жеңип алып, Кыргызстан үчүн биринчи жолу ушундай жетишкендикке жетишти.
🎉 Кыргызстандын окуучулары Балкандык математика олимпиадасында ийгиликке жетишти.
🏅 Бишкек шаарынын “Газпром Кыргызстан” мектебинин 7-класс окуучусу Ариет Акимов алтын медаль утуп, Кыргызстандын тарыхында биринчи жолу мындай жетишкендикке жетишти. Анын машыктыруучулары Ишматов Мамат жана Жолдубай уулу Бекжол.
🥉 Ош шаарындагы ISK эл аралык мектебинин 7-класс окуучусу Бектен Абдувалиев жана Ош шаарындагы Купуев академиясынын 9-класс окуучусу Адилет Шакиралиев бронза медалдарын утушту. Алардын машыктыруучулары Абдувалиев Мурат жана Абдураимов Шумкарбек.
📜 Чолпон-Атадагы “Акылман” президенттик лицейинин окуучусу Нурайым Мухаммаднабиева Ардак грамотасына ээ болду.
📅 Балкандык математика олимпиадасы 1997-жылдан бери өткөрүлүп келет, ал эми Кыргызстан 2015-жылдан бери катышып келет. Бүгүнкү күнгө чейин Кыргызстан 6 медаль жеңип алды: 1 алтын, 1 күмүш жана 4 бронза.
🇰🇬 Кыргызстандын жаш математиктери эл аралык ареналарда өздөрүн көрсөтүп, өлкөнүн атын чыгарып жатышат.