Өфө фән һәм технологиялар университеты – Вуз-ара кампус резиденты – “Һанлы кафедралар” федераль проектында ҡатнашыусыларҙың өсөнсө төркөмөн уҡытып сығарҙы. 3160 студент диплом алды. Кампустар төҙөү һәм үҫтереү “Йәштәр һәм балалар” милли проектына ярашлы алып барыла. “Һанлы кафедралар” проектының төп бурысы – мәғлүмәт технологиялары өлкәһендә юғары квалификациялы белгестәр әҙерләү. Проектта ҡатнашыусылар профессиональ әҙерлек үтә һәм өҫтәмә квалификация ала. Был уларға хеҙмәт баҙарында конкуренцияға һәләтлектәрен арттырырға ярҙам итә. Уҡыу ике йүнәлештә дауам итә: IT- белгестәр өсөн һәм һанлы күнекмәләр алырға теләүсе башҡа һөнәр кешеләре өсөн. Белем алыу төп уҡыу менән параллель рәүештә бара һәм тулыһынса бушлай. Унда бакалаврҙар (2-се курстан), белгестәр (3-сө курстан), магистранттар ҡатнаша ала. Программа уҡыу йылына (сентябрь-июнь) иҫәпләнгән һәм онлайн- һәм офлайн-форматта үтә. Уҡыу барышынды студенттар IT – индустрияһының заманса трендтарына тап килгән 11 программаны үҙләштерҙе.
“Һанлы кафедралар” конкуренцияға һәләтле белгестәр әҙерләй
30 июня 202530 июн 2025
1 мин