Іавеніе новаго тѣла на небу (наприклад, кометы или длинноі цѣпи Starlink) не іе тако дивным днесі. Але овократно сѧ поіавише нова звѣзда! И то іе много корыстным.
Человѣцы сѫ приучили сѧ, же вид звѣзднаго неба іе постоіным и неизмѣнным. Всѣ звѣзды «стоіѫт на іедному мѣсту», а сборницы звѣзд и созвѣздіа не имаіѫт измѣн іуж нѣколіко вѣков. Але недавно в созвѣздіу Волка неочакано іе сѧ поіавила нова звѣзда…
В древности іавеніе новоі звѣзды на небѣ би позовало веліку емоціу, іеднако днешно звѣздознавство добро разумеіе природу сіего іавеніа. И ничто іе дивным. Іавеніе новоі звѣзды сѧ случаіе с поводу паданіа творива на горѧчу стару звѣзду од іеінаго звѣзды‐спѫтника.
Міедло твориво сѧ нагромаджаіе, превышаіе критичну масу – и твори мочны термоіѧдерны выбух с велікым изкидом енергіи. То сѧ поддържа повышеніем свѣтлости стараго іѧдра в нѣколіко миліонов крат през нѣколіко мигов.
Од Земли мы видиме, же на пустому небу, где пред тым ничто іествоваше, сѧ запалише нова звѣзда. Хоті то іе обвратны пробѣг ‐ двѣ стары умираіѫчи звѣзды даіѫт остатно свѣтло.
Нова звѣзда іе достала имѧ V426 Lupi и сѧ находи в іужному созвѣздіу Волка.