Жогорку Кенештин торага Нурланбек Тургунбек уулу парламент имаратындагы оңдоп-түзөө иштеринин жүрүшү менен таанышты. Жыйындар залы заманбап жабдуулар менен камсыздалып, мыйзам чыгаруу иши санариптештирилүүдө. Торага сапатка өзгөчө көңүл буруу керектигин белгилеп, парламент реформалар шартында жаңы форматта иштеши керектигин айтты. Ал ошондой эле телерадиостудиянын реконструкциясын тездетүүнү тапшырды жана кызматкерлер үчүн жакшы шарттарды түзүүнүн маанилүүлүгүн баса белгиледи.
🔧 Жогорку Кенештин төрагасы Нурланбек Тургунбек уулу парламент имаратындагы оңдоо иштеринин жүрүшү менен таанышып чыкты. Учурда Жогорку Кенештин жыйындар залы толугу менен жаңыланып, Корея менен 2023-жылы жетишилген келишимдин алкагында заманбап жабдуулар менен камсыздалууда. Мыйзам чыгаруу ишмердүүлүгүн санариптештирүү боюнча иштер да жүргүзүлүүдө.
📈 Нурланбек Тургунбек уулу аткарылып жаткан иштердин сапатына өзгөчө көңүл буруу керектигин белгиледи. Жогорку Кенеш өлкөбүздүн негизги бийлик бутактарынын бири болгондуктан, реформалардын шартында жаңы форматтарда жана шарттарда иштеши керек.
📡 Парламенттин телерадиостудиясынын реконструкциялоо процессин да карап чыгып, иштердин жай жүрүп жатканын белгилеп, алардын аткарылышын тездетүү тапшырмасын берди.
💼 Аппарат кызматкерлеринин эмгек шарттарын жакшыртуу маселесине да токтолуп, чарбалык муктаждыктарды камсыздоо үчүн жооптуу башкармалык сапаттуу тейлөө жүргүзүшү керектигин эскертти.
🏛️ Жогорку Кенештин имараты Бишкектин борборунда жайгашкан жана 1984-жылы пайдаланууга берилген. Анын жалпы аянты 4,5 гектарды түзөт. Жыйындар залынын акыркы капиталдык оңдоп-түзөө иштери 2010-жылы жүргүзүлгөн.