Бишкек, 10.07.25 /Кабар/. Кыргызстандын министрлер кабинетинин төрагасынын орун басары Эдиль Байсалов Якутияга иш сапарынын алкагында республика башчысы Айсен Николаев менен жолугушуп, Кыргызстан менен Якутиянын ортосундагы маданий-гуманитардык байланыштарды бекемдөө жолдорун талкуулады.
🇰🇬 Кыргызстандын министрлер кабинетинин төрагасынын орун басары Эдиль Байсалов Якутияга болгон иш сапары учурунда Якутиянын жетекчиси Айсен Николаев менен жолугушту.
🤝 Жолугушууда эки тараптын маданий-гуманитардык байланыштарын чыңдоо жана келечектеги мүмкүнчүлүктөрү талкууланды. Бул багытта маданият, экономика, айыл чарба жана спорт тармагындагы биргелешкен долбоорлордун ишке ашырылышы каралды.
🗣️ Элдик дипломатияны күчөтүү жана жалпы тарыхый-маданий мурасты сактоо маселелерине өзгөчө көңүл бурулду.
🙏 Эдиль Байсалов жылуу кабыл алуу үчүн ыраазычылык билдирип, боордош элдер арасындагы байланыштарды мындан ары өнүктүрүүнүн маанилүүлүгүн белгиледи.
🌟 Кыргызстан менен Якутиянын ортосундагы мамилелер достук жана өз ара сый-урмат духунда жаңы мазмунга ээ болуп жатканын баса белгиледи.
🌹 Иш сапардын алкагында Байсалов Якутиянын көрүнүктүү мамлекеттик жана коомдук ишмери Максим Кирович Аммосовдун эстелигине гүл койду. Аммосов Кыргызстандын советтик мамлекеттүүлүгүнүн калыптанышында маанилүү роль ойногон.
🎉 Кыргыз делегациясы Россия элдеринин улуттук рухунун күчүн жана биримдигин символдогон XXII Манчаары оюндарына арналган салтанаттуу иш-чараларга катышууда.