Бишкекте өткөн Азия чемпионатынын биринчи күнүндө кыргызстандык жаштар греко-рим күрөшүндө алтын, күмүш жана коло медалдарды жеңип алышты. Эмирлан Дүйшөналиев 63 кг салмакта Азия чемпиону болуп, 2017-жылдан бери биринчи алтынды алып келди.
🎉 Бишкекте жаштар арасындагы Азия чемпионатынын биринчи күнү ийгиликтүү аяктады.
🥇 Кыргызстандын жаштар курама командасы мыкты жыйынтыктарды көрсөтүп, алтын, күмүш жана коло медалдарды жеңип алды.
🏆 63 кг салмак категориясында Эмирлан Дүйшөналиев Азия чемпиону болуп, индиялык атаандашы Варунду 8:0 эсебинде утуп, Кыргызстандын намысын коргоду. Бул 2017-жылдан бери биринчи алтын медаль болуп саналат.
🥈 55 кг салмак категориясында Кутман Калбаев күмүш медаль алды. Ал финалда ирандык Паям Ахмади Балутакиге утулуп калды.
🥉 77 кг салмак категориясында Адилет Абыкеев коло медаль жеңип алды. Үчүнчү орун үчүн болгон таймашта ал өзбекстандык Бекмурод Рустамов менен беттешип, 1:1 эсебинде тең чыгуу менен активдүү аракеттери үчүн жеңишке жетишти.
🤼♂️ Мелдештер уланып жатат. Бүгүн, 10-июлда, 60 кг, 67 кг, 72 кг, 82 кг жана 97 кг салмак категорияларындагы балбандар таймашка чыгышат.
👨🏫 Кыргызстандын жаштар курама командасынын башкы машыктыруучусу Рыскулбек Эгеев.