Кыргызстанда 2025-жылдын 1-3-августунда Чолпон-Атадагы «Рух Ордо» комплексинде өтө турган «Рух Санат» фестивалына 51 өлкөдөн 130дан ашуун салттуу музыка аткаруучулары жана изилдөөчүлөр катышат. Фестиваль эл аралык конкурс, илимий-практикалык конгресс жана маданий практикалар жарманкесин камтыйт.
🎶 Кыргызстанда 2025-жылдын 1-3-август күндөрү “Рух Санат” аттуу дүйнөлүк фестиваль өтөт. Бул маданий иш-чара Чолпон-Атадагы “Рух Ордо” этнографиялык комплексинде уюштурулат.
🌍 51 өлкөдөн келген 130дан ашуун салттуу музыка аткаруучулары жана изилдөөчүлөр катышат. Бул фестиваль эл аралык деңгээлде салттуу музыка аткаруучуларынын конкурсу, илимий-практикалык конгресс жана маданий практикалардын “Маркет” жарманкесин камтыйт.
🎤 Конкурска 15 өлкөдөн, анын ичинде АКШ, Япония, Венгрия, Гвинея жана Непалдан 60 аткаруучу катышат. Кыргызстандык катышуучулар кийинчерээк аныкталат.
🧑🔬 Конгрессте 20 өлкөдөн келген 100дөн ашуун окумуштуу катышып, материалдык эмес маданий мурастарды сактоо, салттуу музыканы санариптештирүү жана маданий азчылыктардын ролу тууралуу талкуу жүргүзүшөт.
🎨 “Маркет” аянтчасында 14 өлкөдөн келген 38 устат, продюсер жана чыгармачыл топтор чогулат. Алардын арасында Грузия, Казакстан, Түркия жана Египеттен белгилүү этно-топтор бар.
🤝 Фестиваль Кыргыз Республикасынын министрлер кабинети, Маданият министрлиги, Кыргыз Республикасынын Улуттук илимдер академиясынын салттуу маданият жана искусство илимий-изилдөө борбору, Түрк мурастары фонду жана Кыргыз улуттук театры “Манас” тарабынан уюштурулууда.