Жусуп Баласагын атындагы Кыргыз улуттук университетинде коррупцияга каршы күрөшүү иш-чараларынын алкагында 2710 студент окуудан чыгарылды. Тергөөнүн жүрүшүндө окуу процессине катышпаган студенттер аныкталды. Учурда окутуучулук жана административдик курамдын тиешеси бар адамдарды аныктоо иштери улантылууда. ГКНБ билим берүү тармагындагы коррупциялык схемаларды аныктоону улантып, жарандарды мыйзам чегинде чара көрүү үчүн мындай учурларды билдирүүгө чакырат.
🇰🇬 Кыргыз Республикасынын жогорку билим берүү системасындагы коррупцияга каршы күрөшүү боюнча иш-чаралардын алкагында Жусуп Баласагын атындагы Кыргыз улуттук университетинде системалуу мыйзам бузуулар аныкталды.
🔍 Университетте билим алуу процессине катышпаган, бирок студенттердин катарына кирген адамдар табылган. Бул окуя боюнча Кыргыз Республикасынын Кылмыш-жаза кодексинин 346-беренесинин 1-бөлүгү (Кызматтык жасалмачылык) боюнча кылмыш иши козголду.
📚 Окуу шарттарын бузган студенттердин арасынан 2710 адам университеттен чыгарылды.
👥 Учурда Ж.Баласагын атындагы КНУнун окутуучулук жана административдик курамынан мыйзам бузууларга тиешеси бар адамдардын чөйрөсүн аныктоого багытталган тергөө-оперативдик иш-чаралар улантылууда.
🛡️ УКМК билим берүү тармагындагы коррупциялык схемаларды аныктоо жана алдын алуу боюнча системалуу ишин улантып жатканын жана жарандарды Кыргыз Республикасынын мыйзамдарынын алкагында тиешелүү чараларды көрүү үчүн мындай учурларды органдарга активдүү билдирүүгө чакырат.