Көйөргәҙе районы хакимиәте башлығы Юлай Ильясов үҙ вазифаһынан китте. Чиновник кисә, 8 июлдә, отставкаға китеүе хаҡында үҙенең социаль селтәрҙәрендә хәбәр иткән. Ни өсөн бындай ҡарар ҡабул ителеүен ул аныҡ ҡына әйтмәгән. "Ошо алты йыл эсендә мөғжизәле Көйөргәҙе районы яҡын төйәгемә әйләнде. Бергәләп күпте эшләнек, күпте кисерҙек. Тағы ла эшләнәск бик күп эштәр, хәстәрҙәр ҡалды, ул яңы етәкселек иңенә төшәсәк", - тип яҙған Юлай Ильясов. Юлай Ильясов муниципалитетты 2019 йылдан етәкләй. Ул 1998 йылдан сәйәсәттә, бер йыл Башҡортостандың Иҡтисад һәм монополияға ҡаршы сәйәсәт министрлығында әйҙәүсе белгес, артабан баш белгес булып эшләгән. 1999 йылдан «Гидравлика» УАП федераль дәүләт унитар предприятиеһының бүлек начальнигы урынбаҫары, 2000 йылдан республика Дәүләт Йыйылышы – Ҡоролтай секретариатының баш белгесе вазифаһын башҡара. 2000—2004 йылдарҙа «Оҙайлы һаҡлыҡ фонды»ның әйҙәүсе белгесе, 2004—2005 йылдарҙа Башҡортостан Президенты хакимиәтенең социаль-иҡтисади үҫеште һәм социаль сәйәсәтт