О велиции угодницы Божии и предивнии чудотворцы, благовернии княже Петре и княгине Февроние, града Мурома предстателие и хранителие, и о всех нас усердние ко Господу молитвенницы! К вам прибегаем и вам с упованием крепким молимся: вознисите о нас,грешных,святыя молитвы ваши ко Господу Богу, и испросите у благости Его вся благопотребная душам и телесем нашим: веру праву,надежду благу,любовь нелицемерну, благочестие непоколибимо, в добрых делех преуспеяние,мира умирение,земли плодоносие,воздуха благорастворение, телесем здравие и душам спасение. Исходатайствуйте у Царя Небесного Церкви Святей и всей Державе Российстей мир, тишину и благоустроение, и всем нам житие благополучное и добрую христианскую кончину. Оградите Отечество ваше и вся грады Российския от всякого зла ; и вся правоверныя люди, к вам приходящия и святым мощем вашим поклоняющиеся,осените благодатным действом богоприятных молитв ваших,, и вся прошения их во благо исполните. Ей,чудотворцы святии! Не призрите молитв наших,со умелением вам днесь возносимых, но будите о нас приснии представление ко Господу, и сподобите нас помощию вашею спасение вечное улучите и Царствие Небесное унаследовати: да славословим неизреченное человеколюбие Отца и Сына и Святого Духа, в Троице покланяемаго Бога, во веки веков. Аминь.