Кыргызстан менен Өзбекстандын ортосундагы парламенттер аралык кызматташтыкты өнүктүрүү талкууланып, эки тараптын достук жана коңшулук мамилелерин чыңдоого болгон умтулуусу баса белгиленди.
🇰🇬 Кыргызстандын Өзбекстандагы элчиси Дүйшөнкул Чотонов жана Өзбекстандын Олий Мажлисинин мыйзам чыгаруу палатасынын төрагасы Нуриддин Исмоилов кыргыз-өзбек кызматташтыгынын учурдагы абалын жана келечегин талкуулашты.
🤝 Эки тарап парламенттердин мамлекет башчыларынын жолугушууларында жетишилген макулдашууларды ишке ашыруудагы ролун жогору баалашты.
📈 Нуриддин Исмоилов өзбек парламентарийлеринин ишмердүүлүгү тууралуу маалымат берип, парламенттер аралык диалогду жогорку деңгээлде кармоого даяр экенин баса белгиледи.
🌟 Дүйшөнкул Чотонов кыргыз-өзбек мамилелеринин бардык деңгээлдерде динамикалуу өнүгүп жатканын белгилеп, Олий Мажлистин парламенттер аралык кызматташтыкты тереңдетүүгө көңүл буруп жатканына канааттануусун билдирди.
📅 Ошондой эле, парламенттик деңгээлдеги алдыдагы биргелешкен тышкы саясий иш-чаралардын графиги талкууланды.