2025-жылдын 1-июлунан тартып, салык төлөөчүлөр салык жана башка төлөмдөрдү банк кассаларында QR-код же төлөм коду аркылуу нак акча менен төлөй алышат. Бул жаңы система салык төлөмдөрүн жеңилдетип, онлайн режиминде тез арада бюджетке каражаттарды которууга шарт түзөт.
🇰🇬 2025-жылдын 1-июлунан тартып, Кыргызстанда салыктарды, камсыздандыруу төгүмдөрүн жана салык органдары тарабынан башкарылган салык эмес кирешелерди банк кассаларында нак акча менен төлөө үчүн төлөм коду же QR-код талап кылынат.
📱 Налог төлөөчүлөр төлөм кодун же QR-кодду cabinet.salyk.kg сайтындагы “Салыктарды төлөө” бөлүмүндө же “Salyk.kg” мобилдик тиркемеси аркылуу өз алдынча түзө алышат.
🏢 Төлөм коддорун аймактык салык органындагы “бирдиктүү терезеден” да алууга болот.
⚙️ Бул жаңылыкты киргизүү салык төлөө процессин жөнөкөйлөтүүгө, каражаттарды бюджетке онлайн режимде автоматтык түрдө түшүрүүгө жана салык төлөөчүлөр үчүн ыңгайлуу шарттарды түзүүгө багытталган.
⏱️ Жаңы тартиптин артыкчылыктарынын катарында: төлөнгөн суммалардын бюджетке дароо түшүүсү, банк кассаларында реквизиттерди кол менен толтуруудагы каталардын жоюлушу, салык төлөөчүлөрдү тейлөөнүн ылдамдыгы жана сапатынын жогорулашы (кезектерди жоюу, убакытты үнөмдөө) бар.