Өфө ҡалаһының “Дружный” һауыҡтырыу лагерында ял иткән балалар өсөн “Таҙа планета: экономиялайбыҙ һәм эшкәртәбеҙ” экология дәресен үткәрҙеләр, тип хәбәр иттеләр республиканың Тәбиғәттән файҙаланыу һәм экология министрлығынан. Сара “Экологик именлек” милли проекты (национальный проект “Экологическое благополучие”) бурыстарына ярашлы үтте. Осрашыу барышында ҡаты коммуналь ҡалдыҡтар менән эш итеү буйынса төбәк операторы вәкилдәре тәбиғәт ресурстарын һаҡлауҙың һәм ҡалдыҡтарҙы дөрөҫ утилләштереүҙең мөһимлеге хаҡында һөйләне. Балалар сүп-сарҙы сорттарға айырыуҙың тирә-яҡ мөхитте һаҡлауға нисек ярҙам итеүе хаҡында ҙур ҡыҙыҡһыныу менән тыңланылар. Предприятие белгестәре ғәҙәттәге бәләкәй генә үҙгәрештәрҙең дә экологик хәлгә нисек йоғонто яһауы тураһында миҫалдар килтерҙе. Дәресте тамамлағас, балалар экологик йәшәү рәүеше буйынса иҫкәрмәләр алды һәм алған белемдәрен лагерҙа ғына түгел, өйҙә лә ҡулланырға вәғәҙә бирҙе. Бындай дәрестәр йәш быуынға тәбиғәтте һаҡлауҙың мөһимлеген аңларға һәм уларҙы