Адылбек Касымалиев жана Ли Цян Тяньцзиндеги «Жайкы Давос» форумунда жолугушуп, Кытай-Кыргызстан-Өзбекстан темир жолун куруу долбоорун жана эки тараптуу кызматташтыкты талкуулашты.
🇨🇳 Кытайдын Тяньцзинь шаарында өткөн “Жайкы Давос – 2025” дүйнөлүк экономикалык форумунда Кыргыз Республикасынын Министрлер кабинетинин төрагасы Адылбек Касымалиев Кытайдын Мамлекеттик кеңешинин премьер-министри Ли Цян менен жолугушту.
🤝 Касымалиев Кытайдын дүйнөлүк экономикадагы маанилүү ролун баса белгилеп, “Жайкы Давос” форумун өткөрүүдөгү жылуу кабыл алуу үчүн ыраазычылык билдирди. Ал эки өлкө ортосундагы стратегиялык өнөктөштүктү жогору баалап, “Кытай – Кыргызстан – Өзбекстан” темир жолунун курулушу сыяктуу маанилүү долбоорлорду белгиледи.
🌍 Ли Цян Кыргызстандын ишенимдүү өнөктөш экенин айтып, эки өлкөнүн ортосундагы стратегиялык өнөктөштүктү тереңдетүүгө Кытайдын даярдыгын билдирди. Ал эки элдин бакубатчылыгын жогорулатууга багытталган демилгелерди биргелешип илгерилетүүгө кызыкдар экенин кошумчалады.
💼 Жолугушууда эки өлкөнүн лидерлери мурда жетишилген макулдашууларды ишке ашыруу маселелерине өзгөчө көңүл бурушту. Бул макулдашуулар 2025-жылдын 17-июнунда Астанада өткөн Борбордук Азия – Кытай саммитинде Кыргызстандын президенти Садыр Жапаров менен Кытайдын төрагасы Си Цзиньпиндин ортосундагы сүйлөшүүлөрдө жетишилген.
📈 Эки тарап соода-экономикалык, инвестициялык жана маданий-гуманитардык чөйрөлөрдү камтыган эки тараптуу кызматташуунун актуалдуу маселелерин талкуулашты.
🤝 Жолугушуунун жыйынтыгында Адылбек Касымалиев жана Ли Цян Кыргыз Республикасы менен Кытай Эл Республикасынын элдеринин жыргалчылыгы үчүн мындан аркы өз ара аракеттенүүнү активдештирүүгө даярдыгын тастыкташты.