2025-жылы Кыргызстандын экономикасы 10,3% өсөт деп күтүлүүдө, бул ЕАБР өнөктөш өлкөлөр арасында эң жогорку көрсөткүч. Бул өсүшкө алтындын баасынын жогорулашы жана инвестициялык суроо-талап өбөлгө түзөт. Инфляция 7,3% деңгээлинде болжолдонууда.
🌟 ЕАБР аналитиктери Евразия өнүктүрүү банкынын өнөктөш өлкөлөрүнүн экономикалык өнүгүүсүнө макроэкономикалык божомолдорду сунушташты. Армения, Беларусь, Казакстан, Кыргызстан, Тажикстан, Россия жана Өзбекстанда 2025-жылдын аягына чейин ИДПнын өсүшү дүйнөлүк орточо көрсөткүчтөрдөн кыйла жогору болот. Бул өлкөлөрдүн экономикалык туруктуулугун мүнөздөгөн негизги көрсөткүчтөр тең салмактуу жана туруктуу болот.
📈 Кыргызстан экономикасы 10 пайыздан ашык өсөт, бул Евразия өнүктүрүү банкынын мүчө өлкөлөрүнүн ичинен эң жогорку көрсөткүч. Бул өсүштүн себеби алтындын баасынын өсүшү, үй чарбаларынын керектөөсүнүн көбөйүшү жана инвестициялык суроо-талаптын күчтүү болушу менен байланыштуу.
💰 Инфляция жылдын жыйынтыгы боюнча 7,3% деңгээлинде болот деп күтүлүүдө, ал эми сомдун курсу орточо 87,5 сомду түзөт. Бул алтындын дүйнөлүк рыноктогу жагымдуу баасы жана импорттун өсүү темпинин жайлоосу менен камсыздалат.
🌍 Дүйнөлүк экономиканын өсүү темпи 2025-жылы 3% чейин жайлайт, ал эми АКШ жана Еврозонада экономикалык өсүш төмөн бойдон калат. АКШда ИДП 2025-жылы 1,4% өсөт деп күтүлүүдө. Еврозонада экономикалык өсүш болжол менен 0,6% түзөт.
🇨🇳 Кытайдын экономикасы 2025-жылы 5% деңгээлинде өсөт, бул ички суроо-талапты стимулдаштыруу саясаты менен камсыздалат.