Tramp CNN, ABC va NBC telekanallarini tanqid qildi
Tramp Truth Social ijtimoiy tarmog‘idagi sahifasida Erondagi yadro obyektlari butunlay yo‘q qilingani, faqat soxta OAV buning aksini ta’kidlayotganini bildirgan.
"Eronda biz hujum qilgan obyektlar butunlay yo‘q qilindi va buni hamma biladi. Faqat soxta OAV boshqacha fikr bildirib, imkon qadar obro‘yimizni tushirishga urinmoqda. Hatto ular ham "juda yaxshi yo‘q qilingan!" deb tan olishmoqda. Ayniqsa, CNN’ning soxta yangiliklar muxbiri Ellison Kuper, "Concast” raisi ahmoq Brayan L. Roberts, ABC’ning soxta yangiliklar vakili Jonni Karl va doimo mag‘lubiyatga uchragan NBC Concast’ning soxta yangilikchilari bu yolg‘on ustida tinmay ishlashmoqda. OAVdagi bu pastkashliklar hech qachon tugamaydi, aynan shu sababli ularning reytinglari TARIXDAGI ENG PAST darajada - ULARGA MUTLAQO ISHONCH YO‘Q!",- deydi Donald Tramp.
