Бишкек, 23.06.25 /Кабар/. Кыргыз Республикасынын Экономика жана коммерция министрлиги менен кореялык компаниялар экологиялык электр транспорту үчүн заряддоо инфраструктурасын өнүктүрүү боюнча долбоорду ишке ашыруу үчүн Меморандумга кол коюшту. Бул кызматташтык абанын сапатын жакшыртууга жана көмүртек чыгындыларын азайтууга багытталган.
🚗 Бишкекте экологиялык таза электр унаалар үчүн заряддоо инфраструктурасын өнүктүрүү боюнча кыргыз-корей кызматташуусу башталды.
🔌 Кыргызстандын Экономика жана коммерция министрлиги жана корей компаниялары EVSIS, Корей экологиялык автотранспорт ассоциациясы жана NGS ортосунда өз ара түшүнүшүү меморандуму түзүлдү.
🌿 Бул долбоордун негизги максаттарынын бири – электр унаалар үчүн заманбап заряддоо инфраструктурасын түзүү жана иштетүү, ошондой эле абанын сапатын жакшыртып, көмүр кычкыл газынын бөлүнүп чыгышын азайтуу.
📚 Кыргыз тарап корей өнөктөштөрү менен биргеликте нормативдик-укуктук база жана тармактык тренддер боюнча тажрыйба жана маалымат алмашууну пландоодо.
🎓 Долбоордун алкагында Кыргыз мамлекеттик техникалык университети менен техникалык окутуу жана стажировкаларды ишке ашыруу боюнча кызматташуу пландаштырылууда.
🤝 Өнөр жай жана академиялык коомчулуктун ортосундагы өз ара аракеттенүү системасын түзүүгө өзгөчө көңүл бурулат, бул даярдалган адистерди жумушка орноштурууга жана жергиликтүү экспертизаны өнүктүрүүгө шарт түзөт.