Жиззах вилояти ҳуқуқ тартибот идоралари томонидан тезкор тадбир ўтказилди.
Тадбир давомида Жиззах шаҳрида яшовчи О.Т. бошқарувидаги “Ласетти” русумли автомашинаси Ғаллаорол тумани ҳудудидаги “Сангзор-15” ЙПХ масканида тўхтатиб текширилди.
Натижада, 1,39 гр “марихуана”, 1,74 гр “мефедрон” синтетик наркотик воситаси, 1 дона “зардекс” психотроп моддаси ҳамда 21 дона турли номдаги дори воситалари процессуал тартибда расмийлаштириб олинди.
Зарбдор туманида яшовчи Х.З. 8,8 кг “марихуана” гиёҳвандлик воситасини фуқаро Н.Ж.га 900 АҚШ долларига сотаётган вақтда жиноят устида қўлга олинди.
Ғаллаорол туманида яшовчи фуқаро Л.Ш.нинг яшаш хонадони кўздан кечирилганда, жами 383 туп “Кўкнори” гиёҳвандлик ўсимлиги аниқланиб, процессуал тартибда расмийлаштирилди.
Аниқланган ҳолатлар юзасидан суриштирув ишлари олиб борилмоқда.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
