Бэс ыйын 21 күнүгэр Тумул нэһилиэгэр ыһыах бэрт сэргэхтик ааста

Бэс ыйын 21 күнүгэр Тумул нэһилиэгэр ыһыах бэрт сэргэхтик ааста. Ыһыах Кыайыы 80 сылыгар уонна биир дойдулаахпыт СӨ, Хаҥалас улууһун уонна Тумул нэһилиэгин бочуоттаах олохтооҕо, биологическай наука доктора, ССРС Наукатын Академиятын чилиэн-коррепондена, РСФСР наукатын үтүөлээх деятелэ, СӨ Наукаларын Академиятын академига, профессор, " Үлэ Кыһыл знамята" орден хаһаайына Никита Гаврилович Соломонов төрөөбүтэ 95 сааһыгар ананна.

Биир сүрүн тэрээһининэн Тумул Өрөгөй ырыатын сүрэхтэниитэ буолла. "Өрөгөй ырыа" ааптара биир дойдулаахпыт Мария Семенова, Андриан Егоров мелодията. Ырыаны "Кытыл далбардара" ансаамбыл толордо.

Мария Дмитриевна Семенова Тумул нэһилиэгин бочуоттаах олохтооҕо, үлэ уонна Хаҥалас улууһун култууратын бэтэрээнэ, "Почетный старейшина РС (Я) бэлиэ хаһаайына. Тумул туһунан элбэх кинигэ ааптара:

2011 с. "Төлкөбүт төрдө-Тумулбут", 2013с." Батамаайы дьаамын туһунан "Память родной земли",2016 с. " Удьуор хаан сылааһын иҥэринэн", 2018с. "Дойдум миэнэ- Тумулум" , 2020с."Үлэ-олох суола,албан аат", 2021с. "Үөрэх сырдык суолунан".

Мария Дмитриевна элбэх хоһооннордоох. Төрөөбүт дойдутугар Тумулугар анаабыт биир хоһооно "Өрөгөй ырыата" сүрэхтэниитин биир дойдулаахтара үөрэн-көтөн, өрө көтөҕүллэн туран көрүстүбүт. Тумул нэһилиэгин аатыттан Мария Семеноваҕа, Андриан Егоровка махталбытын этэбит. Баҕарабыт кытаанах доруобуйаны, уһун дьоллоох олоҕу, элбэх үөрүүлээх түгэннэри.

Лидия Христофорова

@Новости газеты «Хангалас»