Eron tashqi ishlar vaziri Abbos Aroqchi Istanbulda turib matbuot anjumani o‘tkazdi

Eron tashqi ishlar vaziri Abbos Aroqchi Istanbulda turib matbuot anjumani o‘tkazdi. U mojaroga diplomatik yechim ko‘rmayotganini aytib, Putin bilan uchrashish uchun Moskvaga borishini ta'kidladi.

Quyida uning bayonotidan muhim nuqtalar:

– Prezident Tramp nafaqat Eronga xiyonat qildi, balki o‘z xalqini ham aldadi.

– Tehron o‘z suvereniteti va xalqini himoya qilishda davom etadi.

– Tehron xavfsizligi, manfaatlari va xalqini himoya qilish uchun barcha imkoniyatlarni o‘zida saqlab qoladi.

– Diplomatiyaga xiyonat qilgan Eron emas, aynan Qo‘shma Shtatlardir.

– Eronni yana diplomatiyaga qaytishga chaqirishning o‘zi endi hech qanday ahamiyatga ega emas.

– Diplomatiya uchun hali qancha imkoniyat qolganini men ham bilmayman.

– AQSh faqat tahdid va kuch tilini tushunadi.

– AQSh va Isroil bizning yadro inshootlarimizga hujum qilib, katta 'qizil chiziq'ni bosib o‘tishdi.

– Ular Isroilning "iflos ishlarini" qo‘llab-quvvatlaydi va bu ishlarni o‘zini himoya qilish deb atashadi. Bu — uyatli hol.

– Yadro qurolini tarqatmaslik to‘g‘risidagi NPT shartnomasi bizni himoya qila olmadi. Bu — jiddiy muammo.

– Men bugun tushdan keyin Moskvaga yo‘l olaman va ertaga ertalab prezident Putin bilan uchrashaman.

– Men prezident Putin bilan jiddiy maslahatlashuvlar o‘tkazaman.

– O‘tgan tunda uyushtirilgan hujum katta jinoyat edi.

– Amerika bu hujumni Sionistik rejim bosh vazirini qutqarish uchun amalga oshirdi.

@daryolive