🚲 19 ліпеня пад Гроднам пройдзе веламарафон «Суседзі». Пачалася рэгістрацыя.
Ужо больш за 10 гадоў веламарафон «Суседзі» адбываецца ў ваколіцах Аўгустоўскага канала пад Гродна. За гэты час падзея стала знакавай для шматлікіх аматараў веласпорту ў Беларусі. Арганізатары назвалі дату марафону ў 2025 годзе — 19 ліпеня. Рэгістрацыя ўжо адкрыта!
Веламарафон «Суседзі» прапануе маршруты для розных узростаў і ўзроўняў падрыхтоўкі:
🔵 марафон 60 км+,
🔵паўмарафон 40 км+,
🔵 фітнес-маршрут 20 км+,
🔵 дзіцячыя маршруты — ад 300 м да 10 км.
«Мы рыхтуем для вас маляўнічыя месцы па ўсёй трасе — яны не пакінуць абыякавым ніводнага ўдзельніка»,
— адзначаюць арганізатары гродзенскага веламарафону.
Мерапрыемства адбудзецца 19 ліпеня 2025 года на тэрыторыі Аўгустоўскага канала ў Гродзенскім раёне. Базавы лагер будзе працаваць каля шлюза «Дамброўка» з 18 па 20 ліпеня.
Каб прыняць удзел, неабходна запоўніць форму на сайце: https://42195.by/events/?sport=&from=&to=&city=52
Фота: AutoGrodno.by
