А́нгелов Творе́ц яви́ в рожде́нии твое́м моли́твенное заступле́ние святи́теля Филаре́та, егда́, не могу́щи ма́тери разроди́тися тобо́ю, роди́тель твой притече́ к нему́, и того́ моли́твою вшел еси́ в мир сей во вре́мя соверше́ния Боже́ственныя Евхари́стии, показу́я тем, я́ко бу́деши вели́кий служи́тель та́инств церко́вных. Сего́ ра́ди взыва́ем ти:
Ра́дуйся, святи́телем Филаре́том благослове́нный и воспита́нный;
ра́дуйся, от пеле́н того́ подви́жническому житию́ научи́выйся.
Ра́дуйся, благогове́ние и любо́вь ко слу́жбам Бо́жиим от отца́ унасле́дивый;
ра́дуйся, от ма́тере твоея́ странноприи́мство и попече́ние о бли́жних восприе́мый.
Ра́дуйся, ушеса́ своя́ к пе́нию церко́вному от рожде́ния приклони́вый;
ра́дуйся, во е́же не ви́дети суеты́, очеса́ своя́ в го́рняя впери́вый.
Ра́дуйся, пра́ведне ста́рче Алекси́е, уте́шителю бла́гостный.
( икос 1 , из акафиста святому праведному Алексию , пресвитеру (старцу) Московскому)
