Бишкек шаарынын мэри Айбек Жунушалиев "Мыкан" массивинин жашоочулары менен жолугушуп, түндүк айланма жолун реконструкциялоо долбоорун талкуулады. Долбоор 33,4 км жол курууну камтыйт.
🛣️ Бишкек шаарынын мэри Айбек Жунушалиев “Мыкан” конушунун жашоочулары менен жолугушуу өткөрдү. Жолугушууда түндүк айланма жолдун реконструкциялоо долбоорун ишке ашыруу маселелери талкууланды.
🏗️ Долбоордун алкагында көчүрүлүшү керек болгон 478 объекттин ичинен 4 объект боюнча чечим кабыл алуу зарыл. Бул маселени тез арада чечүү үчүн Свердлов районунун акимине тапшырма берилди.
🏠 Жер жана турак-жай маселелерин чечүүдө жер тилкелерин алмаштыруу жана үйлөрдү башка жерге көчүрүү мүмкүнчүлүктөрү каралууда.
⚖️ Долбоорду ишке ашырууда жашоочулардын бардык укуктарын жана мыйзамдуу кызыкчылыктарын сактоо маанилүү деп белгиленди.
🚧 Реконструкция долбоору 33,4 км узундуктагы автомобиль жолун курууну камтыйт. 2025-жылы 15 км жолго асфальт төшөө пландалууда, анын ичинде Алматы-Бишкек-Ташкент (6 км) жана Бишкек-Нарын-Торугарт (9,1 км) жолдорунун бөлүктөрү бар.
🚦 Реконструкциядан кийин жолдун өткөрүү мүмкүнчүлүгү алты тилкеге чейин көбөйөт.