Башҡортостан стенды иғтибар үҙәгендә

Башҡортостан Хөкүмәтенең Премьер-министры Андрей Назаров үҙенең социаль селтәрҙәрендә, Петербургта үткән халыҡ-ара иҡтисади форум тураһында уртаҡлашты: – Был көндәрҙә Петербург халыҡ-ара иҡтисади форумында Башҡортостан стенды иғтибар үҙәгендә булыуын барыһы ла күрҙе. Йыл һайын кешеләрҙе һоҡландырырлыҡ нимәлер эшләй алабыҙ. Минеңсә, эш алымда. Беҙ иҫкелекте һәм яңылыҡты ихтирам менән берләштерәбеҙ. Беҙ был стенд менән нефть, бензин, нефть химияһы, бал кеүек традицион ресурстарҙан тыш, Башҡортостан бөгөн дә интеллектуаль һәм инновацион йүнәлештә проекттары күп булған Рәсәй субъекты булып тороуын күрһәтергә теләйбеҙ. Шуға күрә беҙ форумда юғары уҡыу йорттары араһындағы кампустың икенсе этабын тәҡдим иттек, ул уникаль архитектура формаларынан тыш, айырым йөкмәтке һәм мәғәнәгә эйә. Һәм геном үҙәге, ул ИТ-белгестәр әҙерләүгә генә түгел, ә интеллектуаль генетиканы өйрәнеүгә лә йүнәлтелгән. Юғары уҡыу йорттары араһындағы кампус менән бәйләнештә "Берлога" Киберфизик платформаһын күрһәтәбеҙ. Ул уникаль, сөнки уйын менән программалауҙы өйрәнергә мөмкинлек бирә. Ата-әсәләр һәм балалар бергә өйрәнәсәк. Өфө ғалимдарының был ҡоролмаһын "нобелевка" тип иҫәпләйем – ул ошондай мөһим мәсьәләләрҙе хәл итә. Һәм быны сит илдәрҙә лә беләләр. "Берлоги" ның инглиз һәм ҡытай интерфейсы бар, уны Ҡытай үҙендә ҡуллана башларға теләй ҙә инде. Ә иртәгә беҙ форумда "Берлога" һәм яңы персонаж уйынын тәҡдим итәсәкбеҙ. Стендыбыҙҙың өсөнсө мәғәнәһе – Башҡортостан спорты. Уны Көрәш һарайының бәләкәйсәтелгән күсермәһе аша күрһәтәсәкбеҙ. Был беҙҙә, үҙ төрөндә, берҙән-бер спорт объекты. Бында меңәрләгән малайҙар һәм ҡыҙҙар шөғөлләнәсәк, тип ниәт итәбеҙ. Был – халыҡ-ара ярыштар үткән донъя кимәлендәге һарай. Әйткәндәй, спорт объекттары һаны буйынса Башҡортостан илдә өсөнсө урында тора. Тап ошо символдар аша беҙ Башҡортостан халҡының ҡыҙыҡһыныуҙарын, үҫешергә теләген һәм эшһөйәрлеген күрһәттек, тип иҫәпләйем. Беҙҙең стендҡа килегеҙ!Фотолар: Андрей Назаровтың сәхифәһенән.