Тауар йәки хеҙмәтте тотҡарлаған өсөн ҡасан тауар хаҡын ҡайтарыу мөмкин

Тауар йәки хеҙмәтте тотҡарлаған өсөн ҡасан тауар хаҡын ҡайтарыуҙы мөмкин Онлайн-заказығыҙҙы тотҡарлайҙар, аҡсағыҙҙы кире ҡайтармайҙар йәки техникағыҙҙы килешеүҙә ҡаралғандан оҙағыраҡ ремонтлайҙармы? Һатыусынан тауарҙы тотҡарлаған һәр көн өсөн неустойка һорағыҙ. «Роспотребнадзор»ҙың Башҡортостандағы идаралығы белгестәре ошо хаҡта аңлата. Әгәр алдан хаҡ индергән тауарығыҙ һеҙҙең ғәйебегеҙ менән һәм тәбиғәт шарттарына бәйле хәл иткеһеҙ шарттар арҡаһында тотҡарланмаһа – һәр көн өсөн алдан түләнгән күләмдең 0,5 проценты. Сумма һеҙ түләгән хаҡтан артыҡ булмаҫҡа тейеш. Әгәр һатыусы: – етешһеҙлеге булған продукцияны 7 көн эсендә алмаштырмаһа (етештереүсегә тауарҙың сифатын тикшереү талап ителһә – был ваҡыт 20 көнгә, тауар булмаһа, бер айға тиклем оҙайтыла);– аҡсаны кире ҡайтармаһа, тауарҙың етешһеҙлеге булыу сәбәпле хаҡын төшөрмәһә йәки етешһеҙлекте бөтөрөүгә бирелгән 20 көн эсендә зыянды ҡапламаһа;– килешеүҙә күрһәтелгән ваҡыт эсендә (45 көндән артыҡ түгел) етешһеҙлекте бөтөрмәһә – һәр көн өсөн тауар хаҡының 1 проценты. Әгәр: – эш йәки хеҙмәт килешеүҙә ҡаралған ваҡытта башҡарылмаһа;– башҡарыусы етешһеҙлекте контрактҡа ярашлы йәки һеҙҙең талап буйынса ваҡытында төҙәтмәһә;– етешһеҙлектәр өсөн тауар хаҡын төшөрмәһә йәки уларҙы бөтөрөүгә сығымдарҙы 10 көн эсендә ҡапламаһа;– ваҡыты үтәлмәү сәбәпле килешеүҙе өҙгәндән һуң 10 көн эсендә аҡсаны кире ҡайтармаһа – һәр көн өсөн хаҡтың 3 проценты түләнә. Неустойка алыу өсөн һатыусыға яҙма ғариза ебәрегеҙ. Әгәр ул компенсация түләүҙән баш тартһа, үҙегеҙгә уңайлы ысул менән – шәхсән, хеҙмәттең сайтында онлайн, ғәҙәти йәки электрон почта аша «Роспотребнадзор»ға ялыу бирегеҙ. Шулай уҡ һатыусыны судҡа бирә алаһығыҙ.Фото: Интернеттан