Европа даражасидаги тиббий хизмат — эндиликда Шаҳрисабзда!
Бугун президентимиз Қашқадарё вилоятига ташрифи доирасида Шаҳрисабздаги замонавий, жуда кучли техникалар билан жиҳозланган “Оқ сарой” кардиология клиникасига борди.
Қайд этилишича, клиникада операциялар, даволаш усуллари Европа талабларига жавоб беради. Россия, Туркия ва Кувайтдан келган кардиохирурглар қашқадарёлик беморларга шу ернинг ўзида ёрдам беришмоқда.
Энди даволаниш учун бошқа давлатлар тугул, Тошкентга ҳам сарф-харажат қилиб боришга ҳожат қолмади!
Боз устига, бу клиникада замонавий эхокардиография ускунаси сунъий интеллект ёрдамида ишлайди. Бунақаси ҳозирча Ўзбекистонда ягона!
Бу ерда бир вақтда 4 та операция, кунига 25 тагача юрак жарроҳлиги амалиёти ўтказиш имконияти бор!
Ҳозирда клиникада 130 та янги иш ўрни яратилган. Ҳатто шу ернинг ўзида клиник ординатура очилиб, шифокорлар тайёрланади.
Энг зўри, мобил диагностика машиналари чекка туманларга чиқади. УТТ, ЭКГ, МСКТ каби хизматлар энди юртдошларимизнинг уйигача боради!
