Бишкекте +28°C жана андан жогору температурада 18 тоннадан ашык жүк ташуучу унаалардын кыймылын чектөө боюнча рейддер жүргүзүлүүдө. Бул чара жолдордун узак мөөнөттүү сакталышын камсыз кылуу максатында кабыл алынган.
🚧 Бишкек шаарында муниципалдык жолдорду сактоо жана алардын узак мөөнөттүү пайдаланылышын камсыз кылуу максатында, Бишкек шаарынын мэриясынын буйругуна ылайык, салмагы 18 тоннага жеткен оор жүк ташуучу унаалардын кыймылын чектөө боюнча рейддик иш-чаралар өткөрүлүүдө.
👮♂️ Ауэзов көчөсүндө муниципалдык инспекция менен Патрулдук милиция кызматынын кызматкерлери биргеликте салмактык жана көлөмдүк көзөмөл жүргүзүштү.
🚛 18 тоннадан ашык жүк ташыган 12 унаанын айдоочулары убактылуу чектөөлөрдү сактаган эмес.
📄 КРнын укук бузуулар жөнүндө кодексинин 434-беренесинин 1-бөлүгүнө ылайык, мыйзам талаптарын бузгандыгы үчүн муниципалдык инспекция тарабынан 12 протокол түзүлдү.
⏰ Жүк ташуучу унаалардын кыймылын убактылуу чектөө жолдордун сакталышын жана узак мөөнөттүү пайдаланылышын камсыз кылуу максатында кабыл алынган. Абанын температурасы +28°C жана андан жогору болгондо, саат 10:00дөн 19:00гө чейин жүк ташуучу унаалардын жүрүүсүнө тыюу салынат.
📆 Рейддер күн сайын өткөрүлүп турат.