Блогер Жанара Осмоналиева үч суткага камакка алынды. Ал Instagram'да сөгүнгөн видео жарыялаган. Бул окуя коомдо талкуу жаратты жана ал майда бейбаштык үчүн административдик жоопкерчиликке тартылды.
🇰🇬 Бишкекте блогер Жанара Осмоналиева үч күнгө камалды. 16-июнь күнү шаардык милиция кызматкерлери социалдык тармактарды мониторинг кылуу учурунда Instagram баракчасында “zhanxo” колдонуучусу тарабынан жарыяланган адепсиз сөздөр камтылган видеону аныкташкан.
👮♂️ Бул окуя коомчулукта кызуу талкуу жаратты. Окуя Бишкек шаарынын ГУВДсынын АИС ЖУИге катталып, тергөө кызматына өткөрүлүп берилди. Милиция кызматкерлери тарабынан тиешелүү чаралар көрүлүп, 1993-жылы туулган жаран О.Ж. тергөө кызматына жеткирилип, Ленин райондук ИИБге жөнөтүлгөн.
⚖️ Ленин райондук соту тарабынан О.Ж. Кыргыз Республикасынын укук бузуулар кодексинин 126-беренеси (майда бейбаштык) боюнча административдик жоопкерчиликке тартылып, 3 суткага камалды.
📢 Шаардык милиция эскертет: “Эгерде сиздин жеке баракчаңызда коомчулукка, өзгөчө жаштарга терс таасирин тийгизиши мүмкүн болгон адепсиз контент жарыяланса, коомдук резонанс жаратып, чыр-чатактарга алып келсе, анда Кыргыз Республикасынын мыйзамдарына ылайык чаралар көрүлөт. Коомго урмат көрсөтүп, аракеттериңизге жоопкерчиликтүү мамиле кылууну сунуштайбыз,” – деп айтылат билдирүүдө.