Кыргызстандын ТИМ Консулдук департаментинин директору Сейитек Жумакадыр уулу жана АКШ элчилигинин консулдук бөлүмүнүн башчысы Кейт Коллинз эки тараптуу консулдук кызматташтыкты жана АКШнын миграциялык саясатындагы өзгөрүүлөрдү талкуулашты. Жыйынтыгында, кызматташууну бекемдөө үчүн үзгүлтүксүз байланышта болуу макулдашылды. АКШнын миграциялык мыйзамдарын сактоо зарылдыгы эскертилди.
🇰🇬 Кыргызстандын демилгеси менен 16-июнда Кыргыз Республикасынын Тышкы иштер министрлигинин Консулдук департаментинин директору Сейитек Жумакадыр уулу жана Америка Кошмо Штаттарынын Кыргызстандагы элчилигинин Консулдук бөлүмүнүн башчысы Кейт Коллинз жолугушту.
🤝 Жолугушууда консулдук тармактагы эки тараптуу кызматташуунун маанилүү маселелери талкууланды.
🌍 АКШнын миграциялык саясатынын акыркы өзгөрүүлөрү жана алардын Кыргыз Республикасынын жарандарына тийиши мүмкүн болгон таасири өзгөчө көңүл бурулду.
📞 Жолугушуунун жыйынтыгында консулдук жана миграциялык чөйрөлөрдө кызматташууну мындан ары бекемдөө максатында үзгүлтүксүз байланышта болуу боюнча макулдашууга жетишилди.
📢 Кыргызстандын жарандарына АКШнын миграциялык мыйзамдарын так сактоо зарылдыгы кайрадан эскертилип жатат. Визанын мөөнөтүн бузуу, анын ичинде визаны узартпоо, кармоо, депортация жана АКШга кирүүгө туруктуу тыюу салууга алып келиши мүмкүн.