Бишкекте патрулдук милиция кызматкерлерине каршы кылмыш иши козголду. Алар 2025-жылдын февраль айында баңги зат колдонгон айдоочудан пара талап кылып, мыйзамсыз аракеттерге барганы аныкталды.
🇰🇬 Бишкек шаарында Патрулдук милиция кызматкерлерине каршы кылмыш иши козголду.
🔍 15-февраль 2025-жылы милиция кызматкерлери баңгизат колдонгон айдоочуну кармап, мыйзамда каралган чараларды көргөн эмес. Алар айдоочудан пара талап кылышкан.
💸 Пара катары 34 миң сом алынып, анын бир бөлүгү инспекторлордун биринин жеке банк эсебине которулган.
🚔 Эки күндөн кийин ошол эле айдоочу Чүй облусунда мас абалында кайра кармалган. Бул жолу анын унаасы айып унаа токтотуучу жайга коюлган.
⚖️ Бул факт боюнча кызмат абалынан кыянаттык менен пайдалануу жана мыйзамсыз аракеттер үчүн пара алуу беренелери боюнча кылмыш иши козголду.
🔎 Учурда тергөө иштери жүргүзүлүүдө.