Бөгөн Башҡортостан Башлығы Радий Хәбиров уҙғарған аҙналыҡ оператив кәңәшмәлә “Мәләүез минераль ашламалары” акционерҙар йәмғиәтен үҫтереү мөмкинлектәрен тикшерҙеләр. Предприятиеның генераль директоры Роман Дьяк хәбәр итеүенсә, завод Рәсәйҙең химия тармағы лидерҙарының береһе булған “Азот” компаниялар төркөмө составына инә һәм төрлө тәғәйенләнештәге аммиак селитраһының өс төрөн сығара. Продукцияһын Рәсәй төбәктәренә һәм яҡын сит илдәргә оҙаталар. Предприятиела 700 кеше эшләй. 2024 йылда сәнәғәттә һәм ауыл хужалығында ҡулланылған 325 мең тонна продукция һатылған. Килем күләме 6,5 миллиард һумдан ашыу тәшкил итә. Компания инвестиция эшмәкәрлегенә айырыуса иғтибар бүлә. 2024 йылда инвестициялар 800 миллион һум самаһы тәшкил итә. 2025 йылда күрһәткесте бер миллиард һумға еткереү күҙаллана. – Ҙур инвестиция проектын тормошҡа ашырыу бара – концентрацияланмаған азот кислотаһы агрегатын тергеҙеү, ул беҙгә етештереү ҡеүәтен 50 процентҡа арттырырға мөмкинлек бирәсәк. Комплексты 2026 йылдың аҙағына