Өфөләге быраулау ҡорамалдары заводында етештереү күләме арттырыла

Өфө быраулау ҡорамалдары заводы “Һөҙөмтәле һәм конкурентлы иҡтисад” милли проектының “Хеҙмәт етештереүсәнлеге” федераль проектында ҡатнашыу барышында һаҡсыл етештереү ҡоралдарын индереүгә тотондо. Был хаҡта төбәк хеҙмәт етештереүсәнлеге өлкәһендәге компетенциялар үҙәгенән хәбәр иттеләр. – Предприятие һөҙөмтәлелекте арттырыуға системалы ҡараш күрһәтә. Проекттың маҡсаты – етештереү процестарында юғалтыуҙарҙы бөтөрөү иҫәбенә кире ҡағыусы бысаҡтар сығарыуҙы 20 процентҡа арттырыу. Был нефть һәм газ тармағы өсөн ҡорамалдар баҙарында уларҙың позицияларын нығытасаҡ, – тип билдәләне Башҡортостан Республикаһы Хөкүмәте Премьер-министрының беренсе урынбаҫары – төбәктең иҡтисади үҫеш һәм инвестиция сәйәсәте министры Рөстәм Моратов. Төбәк компетенциялар үҙәге эксперттары заводтың эшсе төркөмө менән берлектә проектты тормошҡа ашыра башланы ла инде. “Диагностика цехтарҙан алып офистарға тиклем бөтә участкаларҙы үҙ эсенә ала. Бөгөнгә ҡарата беренсе уҡыу модуле тамамланған. Параллель рәүештә предприятиела һаҡсыл производство буйынса үҙ белгесе уңышлы эшләй, был иң яҡшы тәжрибәләрҙе тиҙләтәсәк", — тип аңлатты Республика компетенциялар үҙәге етәксеһе Эльнар Сиражетдинов. Билдәләп үтергә кәрәк, завод файҙалы ҡаҙылмалар сығарыу өсөн ҡорамалдар етештереү һәм ремонтлау менән шөғөлләнә. Тауары Рәсәй һәм сит ил заказсыларына ебәрелә. Федераль проектта ҡатнашыу компанияға бушлай эксперт-методик ярҙам алырға, сығымдарҙы кәметергә һәм тауарының көнәркәшлек һәләтен арттырырға мөмкинлек бирәсәк. “Һөҙөмтәле һәм конкурентлы иҡтисад” милли проектының (национальный проект “Эффективная и конкурентная экономика”) маҡсаттары – иҡтисадты, финанс баҙарын, көнәркәшлекте үҫтереү, эшҡыуарлыҡҡа ярҙам итеү, хеҙмәт етештереүсәнлеген һәм инвестиция әүҙемлеген арттырыу, шулай уҡ тирә-яҡ мөхиткә кире йоғонтоно кәметеү. Иҡтисадтың сәнәғәт секторҙары перспективаларына, юғары технологияларға һәм йәштәр бизнесына айырыуса иғтибар бүленә. Яңыртылған милли проекттар РФ Президенты Владимир Путин ҡарары буйынса 2025 йылдан тормошҡа ашырыла. Фото сығанағы: economy.bashkortostan.ru.