“Ер ҡото – Сила земли” фестиваленә килегеҙ

28 июндә IV “Ер ҡото – Сила земли” төбәк-ара этно-мәҙәни илһөйәрлек фестивале Мишкәлә махсус хәрби операцияла ҡатнашыусыларҙы һәм уларҙың ғаиләләрен йыя. Сараны Рәсәй халыҡтары ассамблеяһының төбәк бүлексәһе, Башҡорт ҡатын-ҡыҙҙары йәмғиәте, “Ватан һаҡсылары” дәүләт фондының Башҡортостан Республикаһы буйынса филиалы, Мишкә районы хакимиәте ойоштора. Фестиваль Башҡортостан халыҡтарының этно-мәҙәни йолаларын һаҡлау һәм популярлаштырыу, рухи ҡиммәттәрҙе нығытыу, махсус хәрби операцияла ҡатнашыусыларға һәм ветерандарға, шулай уҡ уларҙың ғаиләләренә социаль-психологик ярҙам маҡсатында үткәрелә. Сара ваҡытында халыҡ бағымсыларының оҫталыҡ дәрестәре, халыҡ уйындары, фольклор-көнкүреш йолалары буйынса тренингтар, һөнәрселек йәрминкәһе һәм башҡалар ойошторола. Шулай уҡ “Ватан һаҡсылары”ның медицина һәм юридик десанттары эшләйәсәк. Табиптар, юристар, психологтар һәм башҡа белгестәр ҡабул итәсәк. Эшҡыуарҙар үҙҙәренең белем биреү проекттары менән сығыш яһаясаҡ. Ошо ваҡытта махсус хәрби операцияла ҡатнашыусылар һәм уларҙың ғаилә ағзалары өсөн “Ватан һаҡсылары”нан эшҡыуарлыҡ буйынса белем биреү программаһына старт биреләсәк. “Ер көсө - һаулыҡ өсөн” түңәрәк өҫтәле һәм махсус хәрби операцияла ҡатнашыусылар, уларҙың ғаиләләре өсөн асыҡ брифинг буласаҡ. Бынан тыш, “Берҙәм Рәсәй” партияһының “Сәләмәт киләсәк” федераль партия проектының йәмәғәт советы кәңәшмәһе үткәрелә. Балалары булған ғаиләләр өсөн халыҡ уйындары ойоштороласаҡ, ғаилә майҙансығы эшләйәсәк, махсус хәрби операцияла ҡатнашыусылар өсөн бетеүҙе эшләү буйынса оҫталыҡ дәрестәре ойоштороласаҡ. Спорт һәм халыҡ ярыштары, шул иҫәптән махсус хәрби операция ветерандары араһында ла була. Тағы шулай уҡ “Рәсәй халыҡтар ассамблеяһы” дөйөм Рәсәй ижтимағи-дәүләт ойошмаһы ағзалары өсөн уҡытыу курсы ҡаралған. Ошо уҡ көндө мануаль терапевтар, быуын ултыртыусылар, массажистар, хижаб оҫталары, гирудотерапевтар, дин әһелдәре, табиптар, юристар һәм психологтар эшләйәсәк. Фото: "Ватан һаҡсылары" фондының Башҡортостан буйынса филиалы.