«Кыргыз Агрохолдинг» жана орусиялык компания чегирткеге каршы дары-дармектерди биргелешип сыноо жөнүндө макулдашты

Бишкекте өткөн көп тармактуу ишкердик миссиясында Кыргыз Агрохолдинг жана россиялык Самарова компаниясы кызматташууну кеңейтүү боюнча меморандумга кол коюшту. Алар чегирткеге каршы препаратты талаа шарттарында сыноону макулдашты.

🌍 Бишкекте 11-12-июнь күндөрү “Россияда жасалган” аттуу көп тармактуу ишкердик миссиясы өттү. Бул иш-чара Россиянын Экспорттук борбору тарабынан уюштурулду жана ар кандай тармактардагы продукцияларды жана чечимдерди сунуштаган 40тан ашуун россиялык компаниялар катышты.

🤝 Иш-чаранын алкагында “Кыргыз Агрохолдинг” ААК жана россиялык “Самарова” ЖЧКсы ортосунда кызматташууну кеңейтүү боюнча меморандумга кол коюлду. Буга чейин эки тарап сууну дезинфекциялоо үчүн “Хлортаб Аква” каражатын жеткирүү боюнча келишим түзүп, аны ийгиликтүү ишке ашырышкан.

🔬 Меморандумдун алкагында тараптар кызматташуунун жаңы багыттарын кеңейтүүнү макулдашты. Атап айтканда, “Самарова” ЖЧКсы тарабынан иштелип чыккан препаратты Кыргызстандын аймагында чегирткелерге каршы күрөшүү үчүн эксперименталдык колдонуу боюнча макулдашууга жетишилди. Бул препарат талаа шарттарында сыноо үчүн акысыз берилет.

📋 Бизнес-миссиянын жүрүшүндө химиялаштыруу, өсүмдүктөрдү коргоо жана карантин департаментинин директору менен жумушчу жолугушуу болуп өттү. Жолугушуунун жыйынтыгында препаратты эксперименталдык колдонуу жана тиешелүү структуралардын деңгээлинде координацияны камсыз кылуу боюнча жардам көрсөтүү боюнча макулдашууга жетишилди.

🌱 “Кыргыз Агрохолдинг” бул кызматташтык айыл чарба жана өсүмдүктөрдү коргоо жаатында натыйжалуу чечимдерди иштеп чыгууга салым кошот жана кыргыз жана россиялык компаниялардын ортосундагы ийгиликтүү өз ара аракеттенүүнүн үлгүсү болот деп ишенет.