Бишкекте жашыл аймактарды сугаруу үчүн 47 техника күн сайын иштеп жатат. Мэр Айбек Джунушалиев полив иштерин күчөтүп, ирригация системасын калыбына келтирүүнү тапшырды.
🌿 Бишкекте жашыл аймактарды сугаруу күн сайын кечки саат 19:00дөн түнкү 24:00гө чейин жүргүзүлөт. Бул иштерди аткаруу үчүн муниципалдык ишканалардын 47 атайын техникасы чыгат.
🚛 Өткөн жылы 2024-жылы сугат иштерине 20 техника тартылган болсо, быйыл автопарк жаңылангандыктан бул сан көбөйдү.
👨💼 Шаар башчысы Айбек Жунушалиев жүргүзүлүп жаткан иштер менен таанышып, өзгөчө парктарда сугаруу иштерин күчөтүү тапшырмасын берди.
⚠️ Сугат иштерин уюштуруудагы кемчиликтерди аныктоо менен «Бишкекзеленстрой» муниципалдык ишканасынын директоруна сөгүш жарыяланды. Мастерлердин ишин анализдеп, бардык кемчиликтерди жоюу жана көзөмөлдү күчөтүү тапшырылды.
💧 Ошондой эле, ирригациялык системаны калыбына келтирүү иштерин тездетүү боюнча тапшырма берилди. Ар бир районго ирригациялык системаны, тротуарларды жана ички жолдорду калыбына келтирүүгө 150 млн сомдон бөлүндү.